Local 

කුඩා කාර් රථ සහ ඉලෙක්ට්‍රික් මොටරථ වල මිල ශිඝ්‍රලෙස පහලට

මුදල් අමාත්‍ය මංගල සමරවීර මහතා විසින් එළඹෙන නොවැම්බර් 09 වන දින පාර්ලිමේන්තුවට ඉදිරිපත් කිරීමට නියමිත 2018 අයවැය යෝජනා හරහා කුඩා මෝටර් රථ හා ඉලෙක්ට්‍රික් මෝටර් රථ සඳහා පනවා ඇති නිෂ්පාදන බදු සුවිශේෂී ලෙසින් පහළ දමනු ඇතැයි වාර්තා වේ. මෙය සභාග රජයේ අභිනව මුදල් අමාත්‍යවරයා විසින් කරනු ලබන පළමු අයවැය කථාවයි.

මුදල් ඇමති මංගල සමරවීර මහතා

යහපාලන රජයේ පළමු අයවැය වූ 2016 අයවැය යෝජනා තුළින් මෝටර් රථ නිෂ්පාදන බදු විශාල වශයෙන් ඉහළ දැමීමට හිටපු මුදල් අමාත්‍ය රවී කරුණානායක මහතා පියවර ගත්තේය. මේ හේතුවෙන් එතෙක් රුපියල් පහළොස් ලක්ෂයේ සීමාවේ පැවති කුඩා මෝටර් රථයක මිල රුපියල් ලක්ෂ 5-8 ත් මිල ගණන්වලින් ඉහළ ගිය අතර ඉලෙක්ට්‍රික් මෝටර් රථයක මිල 100% කින් ඉහළ ගියේය.

මේ හේතුව මත මෙරට ඉලෙක්ට්‍රික් මෝටර් රථ කර්මාන්තය විශාල වශයෙන් කඩා වැටුණු අතර මෙරටට නවතම ඉලෙක්ට්‍රික් මෝටර් රථ මාදිලි හඳුන්වා දීමට බලාපොරොත්තුවෙන් සිටි මෝටර් රථ වෙළෙඳුන් සියල්ලක්ම පාහේ සිය සැලසුම් හකුළා ගැනීමට තීරණය කළේ හිටපු මුදල් අමාත්‍යවරයාගේ අදාළ යෝජනා පිළිබඳ අප්‍රසාදය ද පළ කරමිනි.

 

 

මේ අතර දේශපාලන විචාරකයින් පවසනුයේ 2018 වසර, ආරම්භයේ පටන් ම මැතිවරණ වසරක් වනු ඇති බැවින් ඒ සඳහා සභාග ආණ්ඩුවේ සූදානම එළඹෙන අයවැය තුළින් පිළිබිඹු වනු ඇති බවයි. එබැවින් ජනතාවට දැනෙන සහන රැසක් මෙවර අයවැයෙන් බලාපොරොත්තු විය හැකි බව ඔවුන්ගේ විශ්වාසයයි.

comments

Related posts

error: ‌වැඩක් බලාගත්තොත්...